ဒီနှစ်ကုန်မှာ မြန်မာနိုင်ငံ လူဦးရေ သန်း ၆ဝ ထဲက ၂၅ သန်းအထိ ဖုန်း ဝန်ဆောင်မှု ရောက်ရှိမှာဖြစ်ပြီး၊ ၅ နှစ်အတွင်း တစ်နိုင်ငံလုံးရဲ့ ၉၇ ရာခိုင်နှုန်းအထိ ဖုန်း ဝန်ဆောင်မှုရရှိမယ်လို့ ဆိုပါတယ်။ ဒါ့အပြင် ပညာရေး၊ ကျန်းမာရေး၊ စိုက်ပျိုးရေး ကဏ္ဍတွေ ဖွံ့ဖြိုးတိုးတက်ရေးဆိုင်ရာ ဝန်ဆောင်မှုတွေလည်း တိုးချဲ့ဆောင်ရွက်သွားမယ်လို့ အော်ရီဒူး မြန်မာ အမှုဆောင်အရာရှိချုပ် က သတင်းစာရှင်းလင်းပွဲ မှာ ပြောဆိုခဲ့ပါတယ်။ ဒါပေမဲ့ ကာတာနိုင်ငံ အခြေစိုက် အော်ရှီဒူး ကုမ္ပဏီ ရဲ့ ဝန်ဆောင်မှုတွေကို အသုံးမပြု ကြရေး ဆော်သြ လှုပ်ရှားမှုတွေကိုလည်း Facebook အင်တာနက် လူမှုကွန်ရက်အပါ အဝင် နေရာတချို့မှာ တွေ့မြင်ရပါတယ်။
အော်ရီဒူး နဲ့ အတူ မြန်မာနိုင်ငံမှာ ဆက်သွယ်ရေး လုပ်ငန်း လုပ်ကိုင်ခွင့်ရခဲ့တဲ့ နော်ဝေနိုင်ငံ အခြေစိုက် တယ်လီနော ကလည်း လာမယ့် စက်တင်ဘာလမှာ အင်တာ နက် နဲ့ ဖုန်းဆက်သွယ်ရေး ဝန်ဆောင်မှု စတင်တော့မည်ဖြစ်ပြီး၊ ၅ နှစ်အတွင်း လူဦးရေစုစုပေါင်းရဲ့ ၉ဝ ရာခိုင်နှုန်းဆီကို တယ်လီဖုန်း ကွန်ရက်ရောက်ရှိမယ်လို့ ကြေညာထားပါတယ်။ အလားတူ မြန်မာ့ ဆက်သွယ်ရေး လုပ်ငန်းကလည်း ဂျပန် ကုမ္ပဏီတွေရဲ့ အကူအညီနဲ့ ဆက်သွယ်ရေး ကွန်ရက် မြန် ဆန်ကောင်းမွန်ဖို့ ကြိုးပမ်းနေတယ်လို့ ဆိုပါတယ်။
RFA Burmese
No comments:
Post a Comment